Кітай абвінаваціў вядомыя заходнія брэнды адзення ў гандлі таварамі, якія шкодзяць дзецям
На вэб-сайце мытнай адміністрацыі Кітая пералічаны 81 тавар ад кампаній Nike, H&M і Zara.
Сярод тавараў — дзіцячае адзенне, абутак, цацкі, зубныя шчоткі і дзіцячыя бутэлькі. Як сцвярджае Галоўнае мытнае ўпраўленне Кітая, у гэтых таварах ёсць фарбавальнікі і шкодныя рэчывы, якія могуць трапіць у арганізм праз скуру ці рот і пагражаць здароўю, піша BBC.
У сакавіку некалькі заходніх краін увялі санкцыі супраць Кітая ў сувязі з парушэннямі правоў уйгураў. Некаторыя вядомыя брэнды, сярод якіх Nike, H&M і Zara, выказалі занепакоенасць у сувязі з заявамі, што ва Уйгурыі выкарыстоўваецца прымусовая праца ўйгураў.
Пасля гэтага інтэрнэт-крамы гэтых брэндаў былі заблакаваныя ў Кітаі, а іх месцазнаходжанне знікла з лічбавай мапы.
Цяпер Кітай заклікае адмаўляцца ад заходніх брэндаў і аддаваць перавагу мясцовым крамам адзення.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары