Нямецкі клуб другой бундэслігі «Эрцгебірге» паведаміў аб прызначэнні беларуса Аляксея Шпілеўскага на пасаду галоўнага трэнера.
Кантракт разлічаны да 2024 года.
У мінулым сезоне «Эрцгебірге» заняў 12-е месца ў другой бундэслізе.
«Эрцгебірге» (горад Ауэ-Бад-Шлема, ваколіцы Хемніца, Саксонія) у часы ГДР называўся «Вісмут» і тройчы ў 1950-х выйграваў чэмпіянат той краіны.
Аляксей Шпілеўскі нарадзіўся ў 1988 годзе ў Мінску, ён сын вядомага футбольнага агента Мікалая Шпілеўскага. З дзяцінства жыў у Германіі. Трэніраваў дзіцячыя каманды «Штутгарта» і «Лейпцыга». Пару месяцаў быў галоўным трэнерам брэсцкага «Дынама» (акурат тады ў Брэст прыехаў Марадона).
У лістападзе 2018 года ўзначаліў «Кайрат», які ў 2020 годзе прывёў да залатых медалёў чэмпіянату Казахстана.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары