Нашэсце паўлінаў у Каліфорніі: будзяць людзей да ўзыходу сонца, робяць налёты на сады і дзяўбуць машыны
У Паўднёвай Каліфорніі здарылася нашэсце паўлінаў. Падчас пандэміі імі ніхто не займаўся, цяпер яны сотнямі гуляюць па гарадках непадалёк ад Лос-Анджэлеса, піша Бі-бі-сі.
Абаронцы жывёл кажуць, што паўліны ўпрыгожваюць сваімі яркімі пер'ем наваколлі. Але такое станоўчае меркаванне падзяляюць ўсяго толькі 30% мясцовых, кажа Майк Максі, эксперт па дзікай прыродзе.
Ён кіруе кампаніяй па адлове і перавозцы птушак з жылых раёнаў у прыродныя запаведнікі. Паводле яго інфармацыі, больш за 70% жыхароў хочуць пазбавіцца ад паўлінаў на вуліцах.
Жыхары Каліфорніі скардзяцца на гучныя крыкі паўлінаў, якімі яны будзяць людзей яшчэ да ўзыходу сонца.
Паўліны аб'ядаюць сады і выкалупваць чарапіцу з дахаў, а яшчэ могуць дзяўбці машыны, калі заўважаюць у іх сваё адлюстраванне, бо ўспрымаюць яго за суперніка.
Мясцовыя ўлады плануюць увесці забарону на кармленне птушак. Парушальнікам будзе пагражаць штраф у 1000 даляраў ці шэсць месяцаў зняволення.
Каментары