Лукашэнка прыняў адстаўку Шэймана. «Я разумею, што калісьці час прыходзіць»
«Ты шмат разоў пісаў рапарт аб сыходзе ў адстаўку».
Аляксандр Лукашэнка правёў сёння рабочую сустрэчу з кіраўніком спраў прэзідэнта Віктарам Шэйманам і прыняў яго адстаўку.
«Ты шмат разоў пісаў рапарт аб сыходзе ў адстаўку. Я не згаджаўся з гэтым. Але я разумею, што калісьці час прыходзіць, табе хапіла ў жыцці, — сказаў Аляксандр Лукашэнка. — Я, шчыра, удзячны табе за ўсё, што зроблена. Мы знойдзем час сустрэцца для таго, каб я яшчэ раз падзякаваў табе».
У цэнтры ўвагі былі пытанні, якія курыруе Кіраўніцтва спраў прэзідэнта. Раней па даручэнні Лукашэнкі Віктар Шэйман вывучаў стан спраў у Аршанскім раёне і на прадпрыемствах рэгіёна.
Лукашэнка паабяцаў Шэйману «прапанаваць гэтым летам некалькі варыянтаў працы», а пакуль узяць на сябе Кубу, Венесуэлу і «хвасты ў Афрыцы».
«Ну і яшчэ раз кажу: далёка не сыходзь. Бачыш, якая сітуацыя вакол Беларусі. Не дай бог нам з табой яшчэ ўзяць аўтамат у рукі і абараняць краіну. Сітуацыя няпростая», — сказаў Лукашэнка.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х6
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары