У Маскоўскай бальніцы №15 заўважылі рост колькасці маладых пацыентаў сярод хворых на COVID-19, піша РБК.
Бальніца ўжо даўно працуе з хворымі і апошні час пацыенты з COVID-19 «памаладзелі». Калі раней шпіталізавалі людзей ва ўзросце 30-35 гадоў, 40 і вышэй, то цяпер у бальніцу паступаюць ужо з 20 гадоў.
Доля маладых людзей сярод заражаных за апошнія два месяцы вырасла на 35%, паведаміла 12 чэрвеня віцэ-мэр Масквы Анастасія Ракава. Паводле яе слоў, доля пацыентаў ва ўзросце ад 18 да 35 гадоў складае амаль траціну сярод усіх хворых на COVID-19. Пры гэтым у многіх людзей сярэдняга ўзросту і маладых захворванне працякае ў цяжкай форме.
Пра тое, што ў Маскве вырасла колькасць маладых з COVID-19, якія паступаюць у цяжкім стане, таксама распавяла галоўны доктар паліклінікі №2 Наталля Шындраева.
Каментары