Сярод затрыманых у чацвер супрацоўнікаў «Нашай Нівы» — галоўны рэдактар «Нашай гісторыі», а таксама дзіцячых часопісаў «Дуду», і «Асцярожна: дзеці!» Андрэй Дынько.
Яго жонка Наталля Дынько ў сваім фэйсбуку напісала, як праходзіў ператрус у іх дома.
«У вашего мужа очень большая библиотека, мы тут надолго». Агулам прабылі гадзіны чатыры з паловай. Я толькі зараз патроху аднаўляю сувязь.
Забралі мае тэлефоны і працоўны ноўт. Нават зараз пішу з тэлефона, на якім западаюць кнопкі. Але гэта ўсё дробязі.
Я не ведаю, што напісаць пра Андрэя. Ён мог з'ехаць, але застаўся. Бо любіць Беларусь. Мы з ім размаўлялі на гэту тэму пасля разгрому тутбая.
Тады ён сказаў: «Пачобуту прапанавалі з'ехаць, але ён застаўся». І яшчэ пахаванне Ашурка яго спыніла, так мала там было людзей, бо шмат хто ўжо з'ехаў.
«Калі і я з'еду, то хто застанецца?»
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці38
Каментары