Паглядзіце, як вучань з Маладзечаншчыны зашыфраваў на шпаргалцы верш Купалы «Явар і каліна»
Зусім хутка пачнецца навучальны год, а значыць, тэма шпаргалак для некаторых зноў стане актуальнай. Адна настаўніца з Маладзечаншчыны падзялілася з «Рэгіянальнай газетай» крэатыўнай шпаргалкай свайго вучня на верш Янкі Купалы «Явар і каліна».
Хлопец, які пісаў шпаргалку, сёлета скончыў школу. А настаўніца, перабіраючы паперы перад новым навучальным годам, знайшла «шэдэўр».
Дарэчы, як прызналася педагог, убачыўшы гэтую шпаргалку, яна нават дазволіла вучню карыстацца ёй пры адказе. Вельмі ж крэатыўны быў твор.
Глядзіце:
А цяпер нагадаем вам сам верш. Чытайце і параўноўвайце.
Явар і каліна
Песняй вясны лебядзінаю,
Скінуўшы зімнія чары,
Шэпчуцца явар з калінаю
Ў сумнай даліне над ярам.
Лісцікі зеленяй хваляцца
Небу панятлівай мовай:
Росамі мыюцца раніцай,
Песцяцца сонцам паўднёвым.
Захадам модлы пакорныя
З маткай-зямлёй адпраўляюць;
Тайна у ночаньку чорную
Месяца, зор выглядаюць.
Слухаюць смехаў русалчыных,
Лопату крылляў начніцы,
Ветру павеваў ап’янчаных,
Плюскату шклістай крыніцы.
Чуецца музыка дзіўная
У повесцях сонных імшараў…
Цешыцца явар з калінаю,
Скінуўшы зімнія чары.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары