Мэта іракскіх мігрантаў — Германія. Амаль 250 чалавек ужо нелегальна трапілі туды з Беларусі
Нямецкая паліцыя паведамляе, што выявіла каля 250 мігрантаў (пераважна гэта іракцы), якія незаконна трапілі ў Германію транзітам праз Беларусь.
Нямецкае выданне Welt са спасылкай на праваахоўнікаў піша, што да Германіі мігранты даязджаюць на грузавых ці легкавых аўто, часам кіроўцы — грамадзяне Грузіі і Сірыі. Дакументы ёсць не ва ўсіх мігрантаў. Некаторыя заявілі, што пашпарты ў іх забралі арганізатары нелегальнага трафіку, некаторыя — што пашпарты забралі літоўскія ўлады.
У ліпені нямецкія ўлады атрымалі агулам 12 200 прашэнняў аб прыстанішчы — гэта найбольшая лічба са студзеня 2020 году.
Нагадаем, Канцлер ФРГ Ангела Меркель абвінаваціла Лукашэнку ў выкарыстанні бежанцаў, каб падарваць бяспеку ў Еўропе.
Яшчэ адным прыярытэтным кірункам для іракскім мігрантаў з’яўляецца Швецыя, дзе ўжо пражывае вялікая дыяспара.
Такім чынам, суседнія з Беларуссю краіны ЕС з’яўляюцца толькі прыступкай для канчатковай мэты мігрантаў. Тлумачыцца гэта тым, што ў Польшчы, Літве і Латвіі грашовая дапамога значна ніжэйшая, чым у Швецыі і Германіі. Да таго ж там большыя дыяспары выхадцаў з Іраку.
Чытайце таксама:
Да 7 мільёнаў даляраў. Падлічылі, колькі грошай мігранты маглі пакінуць у Беларусі
-
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
-
Зяленскі: Пакуль перанакіравання зброі з Украіны на Блізкі Усход няма, а там пабачым
-
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары