Каб нашкодзіць канкурэнтам, сын маршрутчыка з Паставаў рэзерваваў у іх квіткі, але не аплачваў
Фірма, якая ездзіць па маршруце Паставы — Мінск, паскардзілася ў міністэрства гандлю на тое, што з нумара, які належыць іх канкурэнту-іпэшніку, сістэматычна замаўляюцца, але не аплачваюцца квіткі на праезд.
Справа ў тым, што пры набыцці квіткоў праз анлайн-сістэму карыстальніку даецца адна гадзіна для аплаты. На гэты час месцы рэзервуюцца, і ніхто іншы не можа іх набыць.
Паводле інфармацыі МАРГ, толькі за тры месяцы 2020 года было «набыта» 147 квіткоў на 1314 рублёў, але ніводны не быў аплачаны. Пасажыры былі вымушаныя шукаць іншыя варыянты, у тым ліку карыстаючыся транспартам прадпрымальніка.
Падчас расследавання высветлілася, што нумар тэлефона, з якога рабіліся замовы, належаў сыну ІП. МАРГ выявіў факт нядобрасумленнай канкурэнцыі і падставы для прыцягнення да адміністрацыйнай адказнасці. Як канкрэтна пакараюць бацьку і сына, пакуль невядома.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША38
Каментары