Памёр ветэран журналістыкі, ваенны гісторык Барыс Даўгатовіч, піша Беларускі саюз журналістаў.
Ён больш за паўстагоддзя займаўся ваеннай гісторыяй Беларусі: вывучаў уклад беларускага народа ў Перамогу, біяграфіі генералаў, адміралаў, Герояў Савецкага Саюза і поўных кавалераў ордэна Славы — ураджэнцаў Беларусі.
За яго плячыма было 55 гадоў навукова-даследчай дзейнасці ў ваеннай навуцы і журналістыцы.
Ён шчасліва пражыў са сваёй жонкай Юліяй Аляксандраўнай больш за 65 гадоў. У яго 4 дзяцей, 9 унукаў і 8 праўнукаў.
Барыс Даўгатовіч нарадзіўся 17 чэрвеня 1934 года ва Украіне. Скончыў Тбіліскае ваеннае вучылішча, з 1956 г. служыў на розных афіцэрскіх пасадах у Беларускай ваеннай акрузе, даслужыўся да палкоўніка. З 2009 года быў старшым выкладчыкам вайсковай кафедры БНТУ. Быў аўтарам больш за 20 манаграфій (асабіста і ў суаўтарстве) па тэматыцы Другой сусветнай вайны; каля 200 часопісных артыкулаў, шмат газетных публікацый.
Каментары