У Петрыкаўскім раёне ад удару маланкі загінула 71 карова, пацярпеў жывёлавод
У Петрыкаўскім раёне Гомельскай вобласці маланка трапіла ў поле, дзе на вольным выпасе знаходзілася жывёла.
У выніку здарэння цяжка пацярпеў жывёлавод аднаго з сельскагаспадарчых прадпрыемстваў, а таксама загінула 71 карова. Трагедыя адбылася паблізу фермы «Ванюжычы».
Як паведамляецца, у час навальніцы жывёла знаходзілася на адкрытай мясцовасці. Удар маланкі стаў смяротным для большасці статка. Жывёлавод, які быў побач, атрымаў траўмы — пра яго стан не паведамляецца.
Супрацоўнікі МНС нагадваюць пра важнасць выканання правіл бяспекі падчас навальніцы. Асабліва асцярожнымі варта быць у адкрытай мясцовасці: не набліжацца да металічных канструкцый, не шукаць прытулку пад дрэвамі і не дакранацца да жывёлы.
Каментары
Сколько живу, но, ни разу не видел и не слышал, чтобы, ОДНИМ УДАРОМ молнии, погибали 70 коров !!!!
Теоретически можно допустить такой исход, если они стояли в навозной жиже.