Украіна абвясціла ў вышук ураджэнца Беларусі. Яго абвінавачваюць у катаванні жыхароў акупаванага Скадоўска
Украіна абвясціла ў міжнародны вышук ураджэнца Беларусі, якога абвінавачваюць у выдачы загаду на жорсткае абыходжанне з цывільным насельніцтвам, у незаконным зняволенні, утрыманні ўкраінцаў у антысанітарных умовах, пазбаўленні іх ежы і вады, а таксама ў парушэнні законаў і звычаяў вайны, піша Радыё Свабода.
Следчае ўпраўленне Службы бяспекі Украіны ў Херсонскай вобласці завялі супраць ураджэнца Слуцка, грамадзяніна Расіі Віктара Багатурава крымінальную справу паводле ч. 1 артыкула 438 Крымінальнага кодэксу Украіны (парушэнне законаў і звычаяў вайны).
У міжнародны вышук Віктара Багатурава абвясцілі 31 сакавіка і завочна арыштавалі яго 24 красавіка 2025 года.
Усіх затрыманых часта не маглі змясціць у мясцовых следчых ізалятарах і ўпраўленнях паліцыі. У Скадоўску, напрыклад, апроч упраўлення паліцыі, людзей звозілі ў дзіцячы лагер аздараўлення і адпачынку «Слава», дзе іх незаконна ўтрымлівалі і дапытвалі.
Ураджэнец Беларусі Віктар Багатураў выконваў функцыі вайсковага каменданта Скадоўскага раёна Херсонскай вобласці. Ён асабіста ўдзельнічаў у допытах і збіцці прадстаўнікоў кіраўніцтва Скадоўска — мэра Аляксандра Якаўлева, ягонага намесніка і сакратара гарадской рады.
Пасля затрымання Аляксандра Якаўлева змясцілі ў камеру мясцовага ўпраўлення паліцыі. Адтуль для допыту яго выводзілі ў кабінет іншыя вайскоўцы. Віктар Багатураў сам праводзіў допыт, каб дабіцца ад мэра Скадоўска нфармацыі аб наяўнасці зброі ў мясцовых жыхароў і арганізацыі муніцыпальнай варты.
Каб разгаварыць мэра, Багатураў пачаў біць яго, наносячы ўдары па грудзіне і шыі. Не атрымаўшы ніякай інфармацыі, пабітага Якаўлева вярнулі ў камеру. Праз пяць гадзін яго вызвалілі пад ціскам мясцовых жыхароў, якія выйшлі на мітынг, калі стала вядома аб ягоным затрыманні.
У крымінальнай справе ёсць яшчэ тры эпізоды катавання затрыманых украінцаў.
Расійскія вайскоўцы, якімі кіраваў Багатураў, патрабуючы інфармацыі аб «украінскіх дыверсійных групах», імітавалі расстрэл затрыманага, націскаючы цынгель пісталета над яго галавой. Потым яго перавезлі ў дзіцячы лагер «Слава», дзе працягнулі допыт. За адмову супрацоўнічаць на загад Багатурава затрыманага спачатку моцна пабілі гумавымі дручкамі, а калі той упаў на падлогу, пачалі біць нагамі. У выніку затрыманы некалькі разоў траціў прытомнасць.
Цяпер чытаюць
Малады работнік «Мінск-Арэны» павінен заплаціць 71 мільён даляраў7
Каментары
PS Больше всех мне понравилась статья об погибшем в Украине беларуском офицере, родился под Гомеле в 91году ещё во время сов. союза, в возрасте 4 месяцев вывезен в московию, где стал российским офицером, но погиб как беларуский по месту рождения.Респект НН.