У Літве прапанавалі стварыць на мяжы з Беларуссю лінію абароны і назваць яе ў гонар Вітаўта
Прапануецца чатыры лініі абароны — ад супрацьпяхотных мін да супрацьпаветранай абароны.
Партыя апазіцыйнага «Саюзу Айчыны — Хрысціянскія дэмакраты Літвы» (СА-ХДЛ) прапануе стварыць абарончую лінію імя Вітаўта Вялікага. Паводле кансерватараў, яна магла б уключаць абарончую інфраструктуру, абсталяваную супрацьпяхотнымі мінамі, супрацьтанкавымі рвамі, мабільнымі бранятанкавымі групамі і дальнабойнай артылерыяй. Рэалізацыя такога плану абыйдзецца прыкладна ў 1 мільярд еўра, піша Delfi.lt.
«Наша вайсковая інжынерыя адрадзілася, наша вайсковая інжынерыя набыла новае дыханне. Сёння мы прапануем іншую ідэю, іншы кірунак, як мы маглі б умацаваць мяжу такім чынам, каб ворагу было надзвычай складана пранікнуць на нашу тэрыторыю, каб ён сутыкнуўся з велізарнымі перашкодамі, каб мы запаволілі яго прасоўванне. Без сумневу, гэты план дапоўніў бы ўсю нашу абарончую стратэгію», — заявіў старшыня партыі Лаўрынас Кашчунас на прэс-канферэнцыі, арганізаванай СА-ХДЛ у панядзелак.
«Паводле нашых падлікаў, ідзе гаворка пра суму каля 1 мільярда еўра, калі мы ўсталюем такую сістэму там, дзе яна патрэбная. Але, вядома, гэта патрэба — у планаванні арміі», — падкрэсліў ён.
Паводле слоў Л. Кашчунаса, працэс узвядзення абарончай лініі зойме да двух гадоў.
Прапануецца чатыры лініі абароны — ад супрацьпяхотных мін да супрацьпаветранай абароны.
Першая лінія будзе ўяўляць сабой зону, што будзе кантралявацца памежнікамі, з «зубамі цмока», супрацьпяхотнымі і супрацьтанкавымі мінамі, калючым дротам і супрацьтанкавымі рвамі.
Трэцяя лінія абароны будзе складацца з мабільных бранятанкавых груп, у склад якіх увойдуць літоўскія баявыя машыны пяхоты Vilkas («Воўк») і гусенічныя браніраваныя машыны саюзнікаў.
«Напрыклад, праціўнік канцэнтруецца ў пэўным месцы, там вядзецца артылерыйскі агонь і рыхтуецца прарыў. Гэтыя мабільныя групы, знаходзячыся на адлегласці 30—40 кіламетраў, могуць хутка і эфектыўна падысці да месца, дзе верагодны прарыў праз мяжу», — сказаў генарал Вітаўтас Сакалаўскас.
Чацвёртая лінія будзе ўключаць сістэмы супрацьпаветранай абароны NASAMS і самаходную артылерыю вялікай далёкасці.
У той жа час патрапіць у другую можна будзе з дапамогай прарытага пад зямлёй тунэлю. Акрамя калючага дроту, гэта лінія таксама будзе ўтрымліваць выбуховыя прылады і вайсковыя пазіцыі.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
У склад Галічыны цяпер уваходзяць тэрыторыі Львоўскай, Івана-Франкоўскай і Цярнопальскай (за выняткам яе паўночнай часткі, што належыць да Валыні) абласцей Украіны, а таксама некаторыя паветы Падкарпацкага ваяводства Польшчы.