Беларусы будуць плаціць падатак на нерухомасць з першай кватэры? Абнародаваны праект закона
Ужо некалькі тыдняў беларусы абмяркоўваюць чуткі аб зменах у Падатковы кодэкс краіны. Аказалася — праўда. У аўторак праект закона «Аб унясенні змяненняў у некаторыя законы Рэспублікі Беларусь» з'явіўся на афіцыйным сайце Мінфіна. Запланаваныя праўкі занялі 186 старонак, частка з іх тычыцца нерухомасці.
У прыватнасці, з 2022 года падаткам на нерухомасць можа абкладацца нават адзіная кватэра ва ўласнасці, піша Onliner.by.
На сёння ўласнікі жылых памяшканняў плацяць падатак на нерухомасць толькі ў тым выпадку, калі валодаюць двума і больш аб'ектамі. Льгота на першую кватэру прадугледжана артыкулам 228 Падатковага кодэкса краіны (пункт 4.4). Аднак з 1 студзеня 2022 года ўсё можа змяніцца. Адпаведную прапанову ўжо ўнеслі ў праект закона.
Выключэнне зроблена толькі для некалькіх катэгорый ільготнікаў (пенсіянеры, інваліды I і II групы, непаўналетнія, недзеяздольныя, вайскоўцы, удзельнікі Вялікай айчыннай вайны). Пра гэта сведчыць 114-ы пункт новага праекта.
Пры гэтым, калі льготнікі маюць два і больш аб'ектаў падаткаабкладання, то льгота распаўсюджваецца толькі на адзін з іх.
Onlíner спрабаваў высветліць падрабязнасці ў Мінфіне, але там ад каментароў пакуль устрымліваюцца. У прэс-службе растлумачылі, што закон яшчэ не прыняты, ён на стадыі разгляду, у найбліжэйшы час у Міністэрстве выступяць з тлумачэннямі.
Нагадаем, што сёння падатак на нерухомасць для фізічных асоб складае 0,2% ад кошту аб'екта нерухомасці і распаўсюджваецца на другую і наступныя памяшканні ў шматкватэрных і (або) блакіраваных жылых дамах. Тэрмін выплаты падатку — не пазней за 15 лістапада бягучага года.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым4
Каментары