Лаўрэатамі Нобелеўскай прэміі па медыцыне і фізіялогіі ў 2021 годзе сталі Дэвід Джуліус і Ардэм Патапуціян. Прэмію прысудзілі за адкрыццё рэцэптараў тэмпературы.
Прамая трансляцыя абвяшчэння пераможцы вялася на сайце Нобелеўскага камітэта.
«Лаўрэаты гэтага года дазволілі нам зразумець, як тэмпература ці механічная сіла ініцыююць нервовыя імпульсы, якія дазваляюць нам успрымаць мір і адаптавацца», — заявілі ў Нобелеўскім камітэце.
У паведамленні падкрэсліваецца, што выяўленыя набеліятамі «іонныя каналы» рэгулююць найважнейшыя фізіялагічныя працэсы, у тым ліку артэрыяльны ціск і дыханне, а вынікі даследаванняў выкарыстоўваюцца для распрацоўкі метадаў лячэння шырокага спектру захворванняў, піша РБК.
Вынікі даследавання могуць быць выкарыстаны ў розных галінах — ад медыцыны да віртуальнай рэальнасці і робатабудавання.
Джуліус — фізіёлаг, працуе ў Каліфарнійскім універсітэце ў Сан-Францыска. Вядомы даследаваннем рэцэптараў, якія рэагуюць на ментол, гарчычны алей і капсаіцын — кампанент пякучага перцу, з-за якіх мы адчуваем пякоту. Патапуцян — біёлаг з навукова-даследчага інстытута Скрыпса, яго працы прысвечаныя іонным каналам і рэцэптарам, якія актывуюцца тэмпературай, дакрананнем або павелічэннем аб'ёму клетак, перадае ТАСС.
У аўторак, 5 кастрычніка, стане вядомы ўладальнік прэміі па фізіцы, у сераду — хіміі, у чацвер — па літаратуры.
Лаўрэата прэміі міру абвесцяць у Осла ў пятніцу, 8 кастрычніка.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны3
Каментары