25 ліпеня ў Налібоцкай пушчы ўпершыню пройдзе нацыянальны паляўнічы фестываль «Налібоцкія стрэлы». Для гасцей падрыхтавалі выставы, паказ паляўнічых сабак і птушак, чэмпіянат вабільшчыкаў аленя, майстар-класы, канцэрт і дыскатэку, піша Kraj.by.
З 10:00 да 17:00 на пляцоўцы будуць працаваць:
— рэспубліканская выстава паляўнічых трафеяў;
— прэзентацыя Нацыянальнай трафейнай кнігі Беларусі з майстар-класам па ацэнцы трафеяў;
— выстава падсадных і паляўнічых птушак;
— дэманстрацыйныя стэнды ўдзельнікаў фестывалю;
— гандлёвыя пляцоўкі прадстаўнікоў паляўнічай індустрыі.
Таксама з 10:00 да 17:00 для наведвальнікаў будзе адкрытая зона адпачынку, у тым ліку для дзяцей. Тут будуць працаваць электронны цір, пляцоўка для стральбы з пнеўматычнай вінтоўкі, будуць устаноўлены крэслы-мяшкі, роставыя фігуры і арганізаваныя іншыя забавы.
У гэты ж час можна будзе ўзяць напракат ровар, электраровар або квадрацыкл.
З 10:00 да 16:00 гасцей чакаюць:
- 3D-стральба з лука па аб'ёмных фігурах дзікіх жывёл;
- стральба па талерках і мішэнях;
- кіданне сякер і нажоў.
З 10:30 да 15:00 адбудуцца спецыялізаваныя рэспубліканскія выставы ягдтэр'ераў, прымеркаваныя да 100‑годдзя пароды, а таксама беларускага ганчака і іншых звяравых ганчакоў.
Афіцыйнае адкрыццё фестывалю адбудзецца з 11:00 да 11:20.
З прывітальным словам выступяць міністр лясной гаспадаркі Аляксандр Кулік, старшыня Беларускага таварыства паляўнічых і рыбаловаў Ігар Шуневіч і старшыня Валожынскага райвыканкама Васіль Бычкоўскі.
З 18:00 да 20:00 гасцей чакае святочны канцэрт, а з 20:00 да 22:00 — дыскатэка.
Каментары