Глабальнае пацяпленне знішчае вечную мерзлату ў Расіі і пагражае эканоміцы краіны
Энергетычная сфера пад асаблівай небяспекай.
Дзве трэці тэрыторыі Расіі — у тым ліку важныя энергетычныя аб’екты — знаходзіцца на глебе, што пакрытая вечнай мерзлатой.
З 1972 года сярэдняя тэмпература ў гэтай краіне расце прыкладна на 0,5 градуса Цэльсія кожныя дзесяць гадоў, і вечныя льды не вытрымліваюць такога пацяплення. Яны пачынаюць раставаць.
У такіх умовах стан абсталявання на расійскіх шахтах і заводах усё больш пагаршаецца праз карозію. Трубаправоды таксама ломяцца.
Мацаванні і іншыя дэталі трубаправодаў, якія раней усталёўваліся ў вечнамёрзлую глебу, цяпер часта падвяргаюцца карозіі, перакручваюцца і згібаюцца, піша Wall Street Journal.
Кампаніі выдаткоўваюць мільёны даляраў на ўмацоўванне будынкаў, маніторынг тэмпературы глебы і ўсталёўванне высокатэхналагічных ахаладжальных сістэм. Расійскія чыноўнікі і навукоўцы лічаць, што знікненне вечнай мерзлаты можа паўплываць больш чым на 20% інфраструктуры краіны.
У выніку гэтага расійская эканоміка за перыяд да 2050 года можа страціць больш чым 68 мільярдаў даляраў. Пры гэтым 40% будынкаў і аб’ектаў інфраструктуры ў рэгіёнах з вечнай мерзлатой ужо пашкоджаныя праз глабальнае пацяпленне.
У выпадку з энергетычнымі кампаніямі знікненне вечнай мерзлаты ўплывае і на працэс здабычы рэсурсаў, і на іх транспарціроўку.
Прыкладна 90% аб’ектаў вытворчасці «Газпрама» знаходзяцца на тэрыторыі, пакрытай вечнай мерзлатой. На Баваненкаўскім радовішчы газу ў Паўночнай Расіі кампанія ўсталявала 1000 паравадкасных ахаладжальных установак, якія перадухіляюць раставанне мерзлаты.
Эксперты банка Morgan Stanley лічаць, што глабальнае пацяпленне і пагаршэнне стану інфраструктуры пагражае крэдытаздольнасці Расіі. Нафтава-газавы сектар складае 20% унутранага валовага прадукту краіны, а паліўныя і энергетычныя прадукты ўвогуле складаюць большасць расійскага экспарту.
Чытайце таксама: Расія застаецца краінай з нізкай прадукцыйнасцю працы і поўнай адарванасцю сістэмы адукацыі ад патрэб эканомікі — даследаванне
Напружанасць паміж Германіяй і ЗША і «геапалітычная зброя». За што крытыкуюць трубаправод «Паўночны паток — 2»?
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары