У Пецярбургу з 30 кастрычніка па 7 лістапада ўводзяцца абмежаванні на працу прадпрыемстваў грамадскага харчавання, рознічнага гандлю, аб'ектаў забавы і вольнага часу.
Пра гэта паведамляе прэс-служба адміністрацыі губернатара.
Прадпрыемствы грамадскага харчавання змогуць працаваць толькі навынас і з дастаўкай (выключэнне — грамадскае харчаванне на вакзалах, АЗС, а таксама ў сталоўках на прадпрыемствах).
Аб'екты рознічнага гандлю прыпыняць працу (за выключэннем аптэк і крам з таварамі першай неабходнасці). Таксама часова прыпыняць працу салоны прыгажосці, касметычныя салоны, СПА-салоны, масажныя салоны, салярыі.
На час лакдаўну забароняць працу стаматалагічных кабінетаў і клінік (за выключэннем экстраннай дапамогі), фітнес-цэнтраў, басейнаў, кінатэатраў, цыркаў і канцэртных залаў.
Часова спыняецца праца школ.
Для засялення ў гасцініцу, пансіянаты, дамы адпачынку трэба мець QR-код або ПЛР-тэст.
З 28 кастрычніка лакдаўн абвешчаны ў Маскве, а Уладзімір Пуцін падпісаў указ аб непрацоўных днях у Расіі з 30 кастрычніка да 7 лістапада з захаваннем заробку. Гэта было зроблена для «недапушчэння далейшага распаўсюджвання каранавіруснай інфекцыі».
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»3
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары