МУС: Інтэрнэт-рэсурсы «Белсата» прызнаныя экстрэмісцкім фарміраваннем
Рашэннем Міністэрства ўнутраных спраў прызнаныя экстрэмісцкім фарміраваннем і забароненая дзейнасць на тэрыторыі Рэспублікі Беларусь групы грамадзян, аб'яднаных з дапамогай інтэрнэт-рэсурсаў «Белсат», гаворыцца ў паведамленні ведамства.
У прэс-службе МУС Беларусі растлумачылі сітуацыю з тэлеканалам такім чынам:
— экстрэмісцкім фарміраваннем прызнана «група грамадзян, аб'яднаная з дапамогай інтэрнэт-рэсурсаў» тэлеканала;
— акрамя сайта «Белсата» гаворка ідзе пра іх Youtubе-канал, а таксама старонкі ў Telegram, Instagram, Twitter, Facebook, VK і «Аднакласніках».
«Сённяшняе рашэнне МУС — гэта працяг незаконных і неправавых падыходаў, звязаных з абмежаваннем свабоды слова і свабоды меркавання ў Беларусі. Што пацягне за сабой гэтае рашэнне прагназаваць немагчыма, бо апошнія паўтара года ў Беларусі не дзейнічаюць прававыя механізмы, а палітычныя рэпрэсіі адвольна прымяняюцца і да журналістаў, і да падпісчыкаў тэлеграм-каналаў, і да тых, хто дзеліцца інфармацыяй з журналістамі», — патлумачыў журналістам намеснік старшыні і юрыст БАЖ Алег Агееў.
Цяпер чытаюць
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»3
Каментары