Пра затрыманне былога губернатара Курскай вобласці Аляксея Смірнова паведамляюць расійскія інфармацыйныя агенцтвы.
Паведамляецца, што разам з экс-губернатарам затрымалі яго былога першага намесніка Аляксея Дзедава.
Паводле папярэдніх звестак, паказанні на Аляксея Смірнова даў экс-гендырэктар «Карпарацыі развіцця Курскай вобласці» Уладзімір Лукін, арыштаваны раней па справе аб крадзяжах пры будаўніцтве ўмацаванняў на мяжы з Украінай.
Аляксей Смірноў пакінуў пасаду губернатара Курскай вобласці ў снежні 2024 года, а да гэтага прабыў на ёй толькі 200 дзён. У Крамлі тады патлумачылі яго адстаўку неабходнасцю ўзмацнення кіравання рэгіёнам.
На месца Смірнова быў прызначаны дэпутат Дзяржаўнай думы Аляксандр Хінштэйн, вядомы тым, што на працягу многіх гадоў быў пастаянным удзельнікам прапагандысцкіх праграм на расійскім тэлебачанні.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары