Каля 90% месцаў у беларускіх санаторыях на лета ўжо забраніраваны, расказаў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.
Балбатоўскі адзначыў, што месцаў на ліпень амаль не засталося, трохі лепш сітуацыя з жніўнем.
«У сярэднім запаўняльнасць і браніраванне на май — чэрвень ужо складае 90%, на ліпень — 96% і трохі менш на жнівень — 83% месцаў забраніравана», — адзначыў Балбатоўскі.
Ён дадаў, што на працягу трох летніх месяцаў у беларускіх установах пройдуць лячэнне і аздараўленне каля 600 тысяч чалавек, піша БелТА.
З гэтых 600 тысяч каля 400 тысяч будуць дзеці, якія ў перыяд дзіцячай летняй кампаніі аздаравяцца ў летніках розных тыпаў.
«На правядзенне летняй аздараўленчай кампаніі цэнтру выдзелена дастатковая сума ў памеры 73 мільёны рублёў, таму ўсе жадаючыя і патрабуючыя дзеці пройдуць аздараўленне і лячэнне падчас летніх канікул», — зазначыў дырэктар.
Балбатоўскі расказаў, што ўсяго ў краіне каля 6 тысяч лагераў розных тыпаў, з іх 1,5 тысячы — з кругласутачным прабываннем і каля 4,5 тысячы — з дзённым прабываннем.
У гэтым годзе пуцёўкі ў санаторыі і лагеры падаражэлі.
«Сярэдні кошт пуцёўкі ў кругласутачны лагер складзе каля 675 рублёў, дзяржаўная датацыя — 285, гэта значыць, яна пакрые больш за 40% кошту пуцёўкі», — расказаў Балбатоўскі.
Дырэктар таксама адзначыў, што ў лагерах з дзённым прабываннем сярэдняя разліковая кошт складзе 145 рублёў, датацыя — 120 рублёў.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы7
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары