У Брэсце жанчына не змагла атрымаць дапамогу ў бальніцы, бо лічылася памерлай
У пракуратуру звярнулася жыхарка абласнога цэнтра, якая патлумачыла, што не можа атрымаць медыцынскую дапамогу ў бальніцы па месцы жыхарства, бо там яна лічыцца памерлай.
Высветлілася, што ў студзені 2021 года брыгадай хуткай дапамогі ў Брэсцкую цэнтральную гарадскую бальніцу даставілі жанчыну з дыягназам: кома другой ступені. Не прыходзячы ў прытомнасць, яна памерла ў бальніцы. Звесткі жанчыны запісалі са слоў жыхароў хутара, дзе медыкі забралі пацыентку.
Жыхарку Брэста 1968 года нараджэння, даныя якой назвалі суседзі, пазначылі як памерлую. У выніку аддзелам ЗАГС Брэсцкага гарвыканкама была зарэгістраваная яе смерць.
У канцы 2022 года заяўніца, чые даныя былі пазначаны ў пасведчанні аб смерці, звярнулася ў паліклініку, прад’явіўшы пры гэтым пашпарт. Прадстаўнікі паліклінікі перадалі інфармацыю ў Брэсцкі міжраённы аддзел Следчага камітэта.
Пры правядзенні дадатковай праверкі следчымі выявілі, што памерлай аказалася суседка па хутары жанчыны. Паколькі памерлая не мела сваякоў, даныя аб яе смерці ніхто не аспрэчваў.
У выніку пракурор Брэста ў інтарэсах жывой жанчыны звярнуўся ў суд з пазовам аб прызнанні несапраўдным запісу акта аб смерці і яго ануляванні.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары
На пенсіі свае забаўкі.