«Адчыніла дзверы — і ў яе стрэлілі». Што яшчэ вядома пра трагедыю ў Серабранцы?
Учора ўвечары ў Мінску з акна выпаў мужчына, а ў яго кватэры знайшлі цела жанчыны з агнястрэльным раненнем. Пляменнік загінулай, знаёмы з абставінамі здарэння, распавёў блогу «Отраженіе» падрабязнасці.
— Патэлефанавалі ў дзверы, цётка адкрыла — і ў яе стрэлілі два разы. У кватэры быў яе муж, ён гэта пачуў і стаў уцякаць, выскачыў у акно. Калі яго забірала хуткая, ён распавёў, што гэты чалавек (стралок) быў ці ў міліцэйскай, ці ў вайсковай форме.
Хлопец лічыць, што ў міліцыі не было падстаў прыходзіць да сям'і, а форму той мог дзесьці купіць або знайсці.
— Усё адбылося ў раёне 17-18 вечара, і ў вайберы цётка з яе мужам апошні раз былі даступныя прыкладна ў гэты час. Казалі, хтосьці бачыў, як пасля ўсяго стралок скокнуў у машыну і з'ехаў.
Паводле інфармацыі блізкіх загінулай, днём 9 лістапада ён яшчэ не быў знойдзены.
Загінулай жанчыне было 33 гады, яе мужу — 36 гадоў. У пары ёсць дачка дашкольнага ўзросту, у момант здарэння яна знаходзілася ў сваякоў.
— Звычайная сям'я. Цётка завочна вучылася на лагіста і працавала на адным з мінскіх заводаў, яе муж, наколькі я памятаю, раней працаваў у таксі, а апошні час — у сетцы піцэрый.
Па словах маладога чалавека, у мужа загінулай сур'ёзныя траўмы пасля падзення з акна: «Як мне сказалі, вельмі моцна паламаны чалавек». Па інфармацыі Следчага камітэта, ён знаходзіцца ў шпіталі ў цяжкім стане.
Што вядома пра дзіўную гісторыю ў Серабранцы? Сведка: «Пачуліся крыкі «Забіваюць!»
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары