Што вядома пра дзіўную гісторыю ў Серабранцы? Сведка: «Пачуліся крыкі «Забіваюць!»
Увечары 8 лістапада ў доме па праспекце Ракасоўскага ў Мінску знайшлі цела 33-гадовай жанчыны. З балкона той жа кватэры выпаў мужчына — па звестках «Нашай Нівы», яе муж. Ён жывы, у цяжкім стане знаходзіцца ў бальніцы. Вядома, што ў жанчыны на целе кулявое раненне. Па непацверджанай інфармацыі, вядзецца пошук забойцы, муж жанчыны, магчыма, не злачынца, а таксама ахвяра. «Наша Ніва» пагаварыла са сведкай здарэння.
«Было недзе 17.30. Я ішла міма, спачатку не зразумела, што адбываецца. Пачула крыкі: «Дапамажыце, забіваюць!» — расказала суразмоўца. — І чамусьці падумала, што гэта крычаць нейкія падлеткі: проста неўсур’ёз, прыкалваюцца.
Я спынілася, пачала шукаць вокны, адкуль крык. Людзі побач сталі таксама спыняцца. Падумала, што крыкі мужчынскія, але хтосьці з мінакоў сказаў, што жаночы.
Пасля я ўбачыла адкрыты балкон на пятым паверсе, з яго штосьці паляцела, нейкія рэчы. Зноў пачуліся крыкі: «Дапамажыце, выклікайце міліцыю, забіваюць! Забіваюць!» Маладая пара побач са мною пачала званіць у міліцыю.
Тут рэзка на балкон з кватэры выскачыў мужчына ў майцы і трусах. Ён проста вылецеў, бачна, што бег ад кагосьці ці чагосьці, ратаваўся. Дзверы на балкон былі адкрытыя — ён выскачыў і неяк за секунду пераскочыў на знешні бок свайго балкона і трымаўся рукамі.
Можа ён хацеў спусціцца на балкон чацвёртага паверха, што быў адкрыты? Не ведаю. Але той мужчына сарваўся і ўпаў.
Я падумала — усё, канец. Мне стала страшна, я не глядзела ў той бок.
Але пасля адзін з мінакоў сказаў: «Званіце ў хуткую!» Я пачала набіраць хуткую, убачыла, што да мужчыны, які сарваўся, падыходзяць людзі. Ён быў жывы, нават падняўся, устаў.
Пасля людзі пачалі яму крычаць, каб ён лёг, каб не варушыўся. Я выклікала хуткую, сказала, каб яны хутчэй ехалі, што чалавек у адных майтках… Больш не вытрывала і сышла».
Жыхары суседняга дома кажуць, да іх прыходзіў участковы, пытаўся, ці не ведаюць яны чагосьці пра трагедыю. Суседзі пераказваюць словы ўчастковага: нібыта быў здзейснены разбойны напад на кватэру, злачынца збег.
Адзіна правільная тактыка для беларусаў падчас цяперашніх «выбараў» — берагчы сябе5
Каментары