Зніклая кітайская тэнісістка Пэн Шуай паразмаўляла па тэлефоне з кіраўніком МАК
Кітайская тэнісістка Пэн Шуай паразмаўляла з чыноўнікамі Міжнароднага алімпійскага камітэта (МАК) па відэасувязі. Гэта быў яе першы кантакт са спартыўнымі функцыянерамі за межамі Кітая, пачынаючы з 2 лістапада, калі яна заявіла, што былы першы віцэ-прэм'ер Кітая Чжан Гаолі прымусіў яе да сэксу.
Пэн Шуай на працягу 30 хвілін размаўляла з прадстаўнікамі МАК, у тым ліку з кіраўніком арганізацыі Томасам Бахам. Яна «падзякавала МАК за тое, што непакояцца пра яе жыццё», - распавялі ў арганізацыі.
«Яна патлумачыла, што знаходзіцца ў бяспецы і здаровая, жыве ў сваім доме ў Пекіне, але хацела б, каб у гэты час паважалі яе асабістае жыццё. Таму цяпер яна аддае перавагу праводзіць час з сябрамі і сям'ёй», - сказана у заяве МАК.
Пэн Шуай перагаварыла з МАК на фоне росту клопату пра яе лёс.
Нягледзячы на тое, што 21 лістапада кітайскія журналісты паказалі свежае відэа з удзелам тэнісісткі, а ў сацсетках з'явіліся паведамленні ад яе імя, заставаліся асцярогі, што яна несвабодная і не можа дзейнічаць самастойна. Сама Пэн Шуай потым абвергла інфармацыю пра дамаганні.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»44
Каментары