«Можа запалаць так, што мільёны ўкраінцаў пабягуць шукаць прытулак». Расійскія сілавікі працягваюць запалохваць Украіну
Сакратар Рады бяспекі Расіі Мікалай Патрушаў у інтэрв'ю расійскаму пракрамлёўскаму выданню «Аргументы і факты» заявіў, што «ва Украіне можа запалаць» так, што мільёны ўкраінцаў вымушаныя будуць бегчы за мяжу.
«Устанавіўшы свой пратэктарат ва Украіне, Захад разбурыў эканоміку гэтай краіны, давёў грамадства да бяспраўя, а асобныя пласты насельніцтва да галечы. У любы момант ва Украіне можа запалаць так, што мільёны ўкраінцаў пабягуць шукаць прытулак у іншых краінах», — сказаў ён.
Патрушава лічаць адным з найбольш уплывовых чыноўнікаў Крамля.
Нагадаем, нядаўна расійская разведка назвала сітуацыю ў Украіне падобнай да сітуацыі ў Грузіі ў 2008 годзе.
Паведамленні аб тым, што Расія нарошчвае вайсковыя сілы на мяжы з Украінай, пачалі з'яўляцца ў СМІ ў канцы кастрычніка — пачатку лістапада, у прыватнасці, пра гэта пісалі The Washington Post і Politico.
Пазней Bloomberg і The New York Times са спасылкай на крыніцы напісалі, што ЕС атрымаў ад ЗША папярэджанне аб магчымым ўварванні Расіі ва Украіну. На думку амерыканскіх разведчыкаў, імавернасць гэтага ўзрастае па меры наступу халадоў.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме3
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары