Злучаныя Штаты ўвялі новыя санкцыі супраць Беларусі, паведамляецца на сайце Мінфіна ЗША.
Абмежаванні закранулі 20 чалавек, 12 арганізацый і тры самалёты.
- ААТ «Беларуская калійная кампанія»,
- ААТ «Трансавіяэкспарт»,
- ЗТАА «Слаўкалій»,
- ЗАТ «Белтэхэкспарт»,
- ААТ «Агат — электрамеханічны завод»,
- ААТ «140 рамонтны завод»,
- ААТ «Кідма тэк»,
- ТАА «ГардСервіс»,
- ААТ «Пеленг»,
- Рэспубліканскае аб'яднанне «Прэзідэнцкі спартыўны клуб»,
- Дзяржаўнае прадпрыемства «Цэнтркурорт».
Таксама ў санкцыйны спіс трапілі кіраўнік Дзяржпагранкамітэта Анатоль Лапо, намеснік міністра МУС Дзмітрый Карзюк, Дзяніс Чамаданаў, муж былой прэс-сакратаркі МУС Вольгі Чамаданавай, начальнік ГУБАЗіК Андрэй Паршын, яго намеснік Міхаіл Бедункевіч, а таксама член Савета Рэспублікі Дзмітрый Баскаў і Дзмітрый Лукашэнка, старшыня савета Прэзідэнцкага спартыўнага клуба і член НАК.
Пра санкцыі супраць Беларусі таксама абвясцілі Вялікабрытанія і Канада.
У брытанскім санкцыйным спісе — «Беларуськалій», а таксама супрацоўнікі дзяржаўных СМІ Рыгор Азаронак, Людміла Гладкая і пракурор Аліна Касьянчык, кіраўнік ГУБАЗіК Андрэй Паршын, суддзя Наталля Бугук. Таксама туды патрапілі Мукавозчык, Крывашэеў і Азаронак.
Цяпер чытаюць
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара9
Каментары