Беларускія чыноўнікі прыдумалі новую крыніцу даходаў — навігацыйныя пломбы на транзітныя грузы
Пачатак быў пакладзены ў 2020 г. пастановай Саўміна. З чэрвеня мінулага года грузы, якія праязджалі праз мяжу ЕАЭС у Беларусі, пламбавалі на выбарачнай аснове. Цана арэнды пломбы на грузавік дасягала трох базавых велічынь, паведамляе тэлеграм-канал «Эканоміка па-беларуску».
У канцы ліпеня 2021 г. Саўмін увёў абавязковае пламбаванне аўтагрузаў, якія ўвозяцца з тэрыторыі Літвы. Цана пломбы падрасла да 5 базавых велічынь.
І вось цяпер пламбаванне ахапіла грузы, якія паступаюць з тэрыторыі Польшчы. Цана пломбы для транзітных грузаў з Літвы і Польшчы вырасла да 10 базавых.
Цікава, што ўлетку літоўскім перавозчыкам далі месяц на падрыхтоўку да зменаў. А цяпер адпаведная пастанова набывае сілу за дзень: апублікавалі 8 снежня, уступае 9-га.
Такім чынам, цяпер транзітныя грузы з Літвы і Польшчы абкладаюцца аброкам у 10 БВ на машыну.
Ці шмат гэта дасць беларускаму бюджэту? Па інфармацыі Мытнага камітэта, за 2020 г. «праз мытную мяжу ЕАЭС у Беларусь праехала больш як 2,3 млн грузавых аўтамабіляў, або каля 6,5 тыс. грузавікоў штодзень».
Калі навігацыйнымі пломбамі ахапіць мяжу з Украінай і Латвіяй, то выходзіць да 667 млн руб даходаў (2,3 млн × 10 × 29 руб).
З 2022 г. памер базавай велічыні плануюць падняць да 31 руб.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары