Яшчэ некалькі еўрапейскіх краін далучыліся да пятага санкцыйнага пакета Еўразвязу, у тым ліку прарасійская Сербія
Да санкцый супраць беларускага рэжыму далучыліся балканскія кандыдаты на ўступленне ў Еўразвяз: Албанія, Паўночная Македонія, Сербія і Чарнагорыя. Акрамя іх, пяты пакет падтрымалі Нарвегія, Ісландыя і Ліхтэнштэйн.
Калі далучэнне да санкцый Албаніі, Паўночнай Македоніі, Чарнагорыі і іншых краін здзіўлення не выклікае, то наяўнасць у спісе Сербіі дастаткова нечаканая.
Бо яе кіраўніцтва — прарасійскае, ды і сам беларускі рэжым здаўна меў з гэтай краінай цалкам прыстойныя адносіны.
Нават у апошнія паўтара года гэтыя адносіны вылучаліся на агульнаеўрапейскім фоне. І сербскія, і беларускія ўлады часта публічна казалі пра зацікаўленасць у захаванні ўзаемных прыязных стасункаў. Афіцыйныя беларускія СМІ апошнім часам шмат пісалі пра бліскучыя перспектывы беларуска-сербскага супрацоўніцтва, на Сербію не распаўсюджваліся ўведзеныя рэжымам «контрсанкцыі».
Але падобна, што еўрапейскія партнёры паставілі сербаў перад выбарам: добрыя адносіны з Еўразвязам ці працяг заігрыванняў з беларускім рэжымам. І гэты выбар, здаецца, зроблены не на карысць рэжыму.
Швейцарыя пашырыла санкцыі супраць Беларусі
Прэзідэнт Вучыч: Сербія захавае дружбу з Беларуссю
Цяпер чытаюць
«Беларусь цябе любіць». Рэпартаж з развітання з Мікітам Мелказёравым6
Каментары