Анлайн-платформы для інвестыцый і продажу марачных вінаў, шампанскага і моцнага алкаголю зарэгістравалі рэкордную актыўнасць карыстальнікаў, паведамляе Reuters.
Па даных платформы LiveTrade, якая складае «індэкс Бардо» (Bordeaux Index), у гэтым годзе на ёй было прададзена 220 тысяч пляшак алкаголю прэміум-класа, іх сярэдняя цана склала £230 ($308,5). У 10% выпадкаў цана за год вырасла больш чым на 30%.
Больш за ўсё на платформе падаражэла шампанскае.
Напрыклад, цана на Salon le Mesnil 2002 года падскочыла на 80%. Прыкладна настолькі ж яна вырасла і на іншай віннай біржы London International Vintners Exchange (Liv-ex).
Цяпер пляшка гэтага напою каштуе прыкладна £11,7 тыс. ($15,7 тыс.). Як адзначае Reuters, гэта перавышае 75-працэнтны рост біткойнаў.
Таксама гэта амаль у пяць разоў больш, чым 18-працэнтны рост індэкса NYSE FANG + TM (улічвае акцыі Tesla, Microsoft, Facebook, Amazon, Netflix і Google).
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары