Удава лідара рок-гурта «Грамадзянская абарона» Ягора Летава Наталля Чумакова апублікавала на юцюбе раней невядомую песню спевака. Яна была запісаная для альбома ягонай першай групы «Пасеў», піша «Медуза».
Наталля Чумакова расказала ў сваіх сацсетках, што збіраецца ў 2022 годзе выпусціць усе аўдыёзапісы Ягора Летава, якія ў яе ёсць. Цяпер жа яна апублікавала толькі «кавалачак» альбома «Дождж у казарме», запісанага ў 1984 годзе.
«Як і многае з «пасеваў», гэта нейкая кампіляцыя з розных вершаў прыкладна аднаго часу, у дадзеным выпадку — пераднавагодніх, 1983 года», - сказала Чумакова.
Таксама яна апублікавала фатаграфію сшытка Летава са словамі аднаго з такіх вершаў — «Strange Days», напісанага 15 снежня 1983 года.
Каментары