Ката, які знік у Брытаніі, знайшлі па мяўканні ў тэлефоннай слухаўцы
Кот, які знік без вестак восем месяцаў таму, уз'яднаўся са сваёй гаспадыняй пасля таго, як яна пазнала яго мяўканне падчас тэлефоннай размовы з ветэрынарам.
Рэйчэл Лоўрэнс з Эсэкса (Брытанія) кансультавалася з ветэрынарам наконт сваёй іншай кошкі, калі пачула на заднім плане характэрны крык ката, які знік раней, піша Бі-бі-сі.
Ёй патлумачылі, што гэта бадзяжны кот, але яна патэлефанавала яшчэ раз і папрасіла яго апісаць. Так Барнабі вярнуўся дадому.
Лоўрэнс кажа, што была ўпэўненая, што пазнала мяўканне зніклага ўлюбёнца, таму патэлефанавала ветэрынару і спытала, ці быў той знойдзены кот, чый голас яна пачула ў слухаўцы, чорны з белай плямай на задняй лапе.
Калі апісанне пацвердзілася, яна ўзяла фота Барнабі і адправілася ў клініку.
Жанчына кажа, што «пазнала яго, як толькі яго завялі ў пакой».
«Я не магла стрымаць эмоцый і расплакалася ўслых, — успамінае яна. — Мы не бачылі яго восем месяцаў».
Трое яе дзяцей называлі Барнабі таўстуном, але калі яго прывялі, ён быў «худы, без футра» і «ўвесь пакрыты язвамі», кажа Лоўрэнс.
«Цяпер нам трэба адкарміць яго, каб ён зноў стаў таўстуном», — дзеліцца планамі жанчына.
Яна сцвярджае, што заплаціла за чыпаванне Барнабі, перш чым ён знік без вестак, але сумняваецца, што працэдуру выканалі належным чынам.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары