Нафтавыя вясёлкавыя плямы заўважалі ў Мінску 5 жніўня і 11 лістапада 2021 года ў акваторыі ракі Лошыца. Яны знаходзіліся паблізу жылога дома, размешчанага па завулку 1-ы Трубны. Цяпер пракуратура высветліла, адкуль у раку трапілі нафтавыя адходы, адказнае за гэта прадпрыемства аштрафавалі.
Дзяржаўнае прадпрыемства «Гаррамліўнесцёк» займаецца адвядзеннем, ачысткай і скідам у вадаёмы паверхневых (дажджавых, талых і палівамыйных) ды нарматыўна чыстых (вычышчаных) вытворчых сцёкавых вод Мінска па дажджавых калектарах.
Пракуратура высветліла, што сцёкавыя воды, забруджаныя нафтавымі адыходамі, траплялі ў раку Лошыца з ліўнесцёку, які знаходзіцца на балансе гэтага прадпрыемства.
У выніку «Гаррамліўнесцёк» прыцягнулі да адказнасці і прызначылі штрафы ў памеры 70 і 60 базавых велічынь. Адпаведна, гаворка ідзе пра сумы ў 2240 і 1920 рублёў, бо з 1 студзеня 2022 года базавая велічыня складае 32 рублі. Таксама прадпрыемства мусіць кампенсаваць страты на суму звыш 4,9 тысяч рублёў.
Прапагандысты запэўніваюць, што 196 палітвязняў ужо на свабодзе9
Каментары