Мінабароны ў Мінску і рэгіёнах правядзе заняткі і рэвізію тэрытарыяльных войскаў
Мінабароны праверыць падрыхтоўку і зладжанасць органаў кіравання тэрытарыяльнай абароны, правядзе рэвізію запасаў, а таксама надасць увагу падрыхтоўцы ваеннаабавязаных. Пра гэта гаворыцца ў паведамленні ведамства.
«У адпаведнасці з планам падрыхтоўкі Узброеных сіл у 2022 годзе, з 1 па 4 сакавіка абласнымі і Мінскім гарадскім выканаўчымі камітэтамі праводзяцца штогадовыя заняткі, накіраваныя на павышэнне ўзроўню падрыхтоўкі і зладжанасці органаў кіравання тэрытарыяльнай абароны да фарміравання тэрытарыяльных войскаў», — гаворыцца ў паведамленні Мінабароны.
Чатыры дні будуць праводзіцца тэарэтычныя і практычныя мерапрыемствы са службовымі асобамі выканаўчых камітэтаў і ваенных камісарыятаў, адміністрацыямі пунктаў прыёму мабілізацыйных рэсурсаў. Акрамя таго, правераць умовы захоўвання і наяўнасць матэрыяльных запасаў.
«Вялікае значэнне ў ходзе правадзімых мерапрыемстваў надаецца падрыхтоўцы ваеннаабавязаных, якім на працягу аднадзённага збору будуць даведзеныя асновы і парадак дзеянняў у ходзе фарміравання тэрытарыяльных войскаў», — адзначаецца ў паведамленні Мінабароны.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»3
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары