Алесь Пашкевіч абвяргае інфармацыю аб тым, што па віне Саюза беларускіх пісьменнікаў былі пашкоджаны 84 партрэты айчынных літаратараў.
Старшыня Саюза беларускіх пісьменнікаў (СБП) Алесь Пашкевіч абвяргае інфармацыю аб тым, што па віне СБП былі пашкоджаныя 84 партрэты айчынных літаратараў.
«Ёсць адпаведныя акты аб тым, што ў якім стане карціны былі, у такім яны і засталіся. Казаць пра тое, што «пісьменнікі згнаілі карціны», па меншай меры некарэктна», — заявіў Пашкевіч у інтэрв’ю БелаПАН.
«Асабіста мне незразумелая шуміха, узнятая ў СМІ, наконт лёсу гэтых карцін. Кіраўніцтва СБП абурана неаб’ектыўнай інфармацыяй у розных выданнях, якая была шырока растыражавана без праверкі фактаў», — падкрэсліў старшыня саюза.
Паводле яго слоў, карціны збіраліся дзесяцігоддзямі і раней захоўваліся ў складскім падвальным памяшканні Дома літаратара ў Мінску. «Калі з Дома літаратара нас выселілі, гэтыя карціны былі перавезены ў «Іслач». І цяпер, калі новы ўладальнік «Іслачы» запатрабаваў ад СБП пакінуць памяшканне, карціны перадалі Лідскаму дзяржаўнаму гісторыка‑мастацкаму музею», — сказаў Пашкевіч.
Аднак словам кіраўніка СБП пярэчыць выказванне захавальніцы фондаў Лідскага музея Валянціны Хацяновіч. «Такіх, якія б былі зусім не пашкоджаныя, няма», — кажа яна пра карціны.
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы25
Каментары