«Менавіта ўкраінцы блізкія мне па духу!» Баксёр Віталь Гуркоў запісаўся ў абаронцы Кіева
Фота з Кіева ў бронікамізэльцы Гуркоў выклаў у сваім інстаграме. І выказаўся пра беларусаў у гэтай вайне.
Прыводзім яго эмацыйны допіс са скарачэннямі:
«Я беларус, у цяперашні момант кіеўлянін. Гэты выбар быў не выпадковым. Менавіта тут п'яны мядзведзь «паламаў зубы» і «прыкусіў губу». Менавіта ўкраінцы блізкія мне па духу! Многія ў маёй краіне не разумелі глыбіны ўсіх падзей 2020-га і цяпер афігеваюць ад таго, што адбываецца. Я гэта бачыў у страшных снах, але разумеў, што рана ці позна здарыцца.
Быць беларусам цяпер зашквар, паўсюль, ва Украіне, у Еўропе, бо менавіта з беларускай мяжы ідзе наступленне на Кіеў і *** [б'юць] ракеты па мірных гарадах. Гэта здрада.
Усё, што адбываецца, гэта генацыд украінскага народу, з боку Расіі пры маўклівай згодзе беларусаў.
Можна апраўдвацца хоць да панядзелка, факт застаецца фактам.
Лічу героямі тых людзей, якія ў Беларусі і Расіі, не пабаяўшыся рэпрэсій, выйшлі на вуліцы на знак пратэсту, супраць вайны.
Героі — нашы «рэйкавыя партызаны», якія спрабавалі спыніць пастаўкі ваеннай тэхнікі рускіх на тэрыторыю РБ.
Кожны на сваім месцы, хтосьці ў інфармацыйнай вайне, хтосьці ў сапраўдных баявых дзеяннях!
Слава Украіне! Жыве Беларусь!»
Раней баксёр запісваў відэазварот, дзе казаў, што многія беларусы гатовыя абароняць свабоду Украіны.
«Я і многія іншыя беларусы гатовыя абараняць свабоду Украіны». Гуркоў запісаў відэазварот з-за пагрозы вайны
Віталь Гуркоў пра вайну ва Украіне: Тое, што цяпер адбываецца, гэта ў тым ліку з-за Ціханоўскай
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Каментары