Судзяць «кіберпартызана». Ягоны бацька: «Правільна судзяць, і ведаць не хачу!»
У Мінскім гарадскім судзе па артыкулах 350 ч. 2 (мадыфікацыя камп'ютарнай інфармацыі) і арт. 130 ч. 1 (распальванне варажнечы) суддзя Яўген Хаткевіч судзіць дырэктара лагістычнай кампаніі Сяргея Ляхновіча. Як вядома «Нашай Ніве», мужчыне ў віну ставяць удзел у кібератацы на сайт БДМУ восенню 2020-га.
Там гісторыя такая, што «кіберпартызаны» прапанавалі ўсім ахвотным аддаць магутнасці сваёй тэхнікі для атакі на сайт БДМУ, які ў выніку нейкі час быў недасяжны.
Восенню 2021-га сілавікі адрапартавалі, што ўстанавілі частку тых, хто ўдзельнічаў у атацы, назваўшы іх «кіберпартызанамі». Хоць гэта зусім не так, гаворка хутчэй ідзе пра выпадковых людзей, якія не замаскіравалі свой удзел. Так і Ляхновіч — лагіст, а не праграміст.
«Наша Ніва» пазваніла ў сям'ю Ляхновіча спытацца, як яны ўспрымаюць суд над сваім сваяком, якому пагражае да 5 гадоў пазбаўлення волі.
«Ведаць не ведаю! Да ліхтара мне, судзяць — правільна судзяць, і ведаць не хачу!», — сказаў бацька Сяргея, Віктар Ляхновіч.
Каментары