Ігар Сокал заявіў, што 11 супрацоўнікаў беларускага пасольства пакінулі Украіну. Апошні супрацоўнік прайшоў надгляд і перасёк мяжу сёння а 9-й раніцы.
Беларускі пасол Ігар Сокал таксама пракаментаваў сітуацыю, што адбылася на памежным пераходзе Магілёў-Падольскі, калі ўкраінскі афіцэр-памежнік спрабаваў уручыць яму 30 сярэбранікаў для старшыні Дзяржаўнага памежнага камітэта Беларусі Анатоля Лапо за тое, што з беларускай тэрыторыі расійскія войскі ўвайшлі ва Украіну.
«Калі камандуючы памежнымі войскамі Украіны Дэйнека прымушае сваіх афіцэраў збіраць гэтыя манеты на паперці для таго, каб камусьці перадаваць, то гэта, напэўна, не зусім добрапрыстойныя ўчынкі. хачу сказаць, што мы досыць доўгі час са сваім калектывам на гэтым пункце пропуску знаходзіліся на памежнай зоне. Нас было 11 супрацоўнікаў», - сказаў Ігар Сокал.
Па яго словах, надгляд доўжыўся ўсю ноч. «Дастаткова сказаць, што мая машына як пасла была цалкам надгледжаная, распакаваная, нават унутраныя элементы адшыўкі здымаліся, асабістыя рэчы былі агледжаныя. Мы заехалі 18 сакавіка а 13.30 на пункт пропуску. Я выехаў у 20.00, а апошні наш супрацоўнік выехаў сёння ў 9.00», — сказаў пасол.
Нагадаем, што за дзень да нападу Расіі, 23 лютага, Украіну пакінулі ўсе расійскія дыпламаты.
На гэты момант на мяжу з Украінай сцягнутыя 10 беларускіх батальённа-тактычных груп. Кіраўнік Генштаба Беларусі заявіў, што 5 новых БТГ па ратацыі змяняюць 5 ранейшых. Раней беларускія ўлады заяўлялі, што расійскія войскі пакінуць тэрыторыю Беларусі пасля вучэнняў, аднак замест гэтага яны 24 лютага атакавалі Украіну. Беларуская армія дагэтуль не брала непасрэднага ўдзелу ў вайне, абмяжоўвалася тылавой падтрымкай расійскай арміі і прадстаўленнем ёй тэрыторыі і аэрадромаў.
Беларускія войскі цяпер сканцэнтраваныя пад Брэстам, Кобрынам, Пінскам. Учора вяліся працы на навядзенні пантоннага моста цераз Прыпяць каля Лельчыц.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары