У Петрыкаве 49‑гадовы мужчына памёр пасля таго, як падчас сямейнага застолля падавіўся кавалкам шашлыка. Сваякі спрабавалі яму дапамагчы, але выратаваць мужчыну не ўдалося, паведамляе «Гомельская праўда».
Судова-медыцынская экспертыза ўстанавіла, што прычынай смерці стала механічная асфіксія — дыхальныя шляхі былі перакрытыя іншародным целам. У гартані загінулага знайшлі даволі вялікі кавалак сырога мяса.
Акрамя таго, даследаванне паказала, што ў крыві мужчыны ўтрымлівалася 2,9 праміле этылавага спірту. Паводле экспертаў, у жывога чалавека такі паказчык можа адпавядаць сярэдняй ступені вострай алкагольнай інтаксікацыі.
Паводле дадзеных Сусветнай арганізацыі аховы здароўя, штогод у свеце больш за 160 тысяч чалавек паміраюць, падавіўшыся ежай або іншымі прадметамі. У Беларусі такія выпадкі таксама адбываюцца штогод і вымяраюцца дзесяткамі. Большасць загінулых у момант трагедыі знаходзіліся ў стане алкагольнага ап'янення.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС16
Каментары