Урад выдзеліў амаль мільён рублёў на кіслародныя балоны для бальніц
Бюджэты абласцей і Мінска атрымаюць амаль мільён рублёў на закупкі кіслародных балонаў для бальніц. Такое рашэнне прыняў Савет міністраў пастановай № 168 ад 25 сакавіка.
Дакумент апублікаваны на Нацыянальным прававым інтэрнэт-партале, паведамляе Reform.by.
Усяго са сродкаў, прадугледжаных у рэспубліканскім бюджэце на фінансаванне расходаў, звязаных са стыхійнымі бедствамі, аварыямі і катастрофамі выдзяляецца 986 685 рублёў.
Рэгіянальныя бюджэты атрымаюць трансферты ў наступным памеры:
бюджэт Брэсцкай вобласці — 113 288 рублёў;
Віцебскай вобласці — 137 971 рубель;
Гомельскай вобласці — 247 223 рублі;
Гродзенскай вобласці — 332 128 рублёў;
бюджэт Мінска — 156 075 рублёў.
Каментары