Журналіст-палітвязень Андрэй Пачобут узнагароджаны прэстыжнай польскай прэміяй
Андрэй Пачобут узнагароджаны прэстыжнай прэміяй Wiktory 2021 ў Польшчы і статуэткай ў катэгорыі «Журналіст года».
31 сакавіка прайшло ўрачыстае ўручэнне ўзнагарод Wiktory 2021.
Wiktory 2021— гэта ўзнагарода польскай Тэлевізійнай акадэміі, якая была заснаваная ў 1985 годзе, і якую ўручалі пасля сямігадовага перапынку.
Падчас мерапрыемства гучала тэма вайны ва Украіне, таму на пачатку ганаровага SuperWiktora уручылі прэзідэнту Уладзіміру Зяленскаму, а статуэтку атрымаў міністр замежных спраў Украіны Дзмітрый Кулеба, які знаходзіцца з візітам у Польшчы.
«Гэтая вайна ідзе таксама дзеля свабоды вашай краіны. Мы хочам, каб Польшча ніколі не перажывала таго, што цяпер перажывае Украіна», — адзначыў Кулеба.
Статуэткай у катэгорыі «Журналіст года» ўганаравалі Андрэя Пачобута. Актывіст Саюза палякаў у Беларусі, журналіст знаходзіцца за кратамі з 25 сакавіка 2021 года па абвінавачванні ў распальванні сацыяльнай варожасці і рэабілітацыі нацызму.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас13
Каментары