«Справа траўматолагаў»: некалькі чалавек пасля кампенсацыі «шкоды» выйшлі з СІЗА, працаваць іх адпраўляюць у прыёмныя пакоі
Як стала вядома «Нашай Ніве», амаль усе затрыманыя па «справе траўматолагаў» кампенсавалі «шкоду». Частку затрыманых сёння адпусцілі і адразу адправілі на працу. Знаных хірургаў ставяць працаваць у прыёмныя пакоі.
Вядома пра як мінімум пяць чалавек, але выпушчаных можа быць больш.
Дактароў накіроўваюць працаваць у прыёмнае аддзяленне, дзе аказваецца дапамога пры адкрытых пашкоджаннях ці «простых» пераломах, якія не патрабуюць глыбокага абследавання перад аперацыяй.
Але найчасцей дактары там аказваюць толькі амбулаторную дапамогу і перанакіроўваюць пацыентаў у аддзяленне.
«Напрыклад, адзін з выпушчаных, Мікалай Жыхар — вельмі дасведчаны ў пратэзаванні, 80% яго аперацый — артапедычныя і не звязаныя з траўмамі. Гэта як ноўтбукам забіваць цвікі», — каментуе дэталі наш абазнаны суразмоўца.
Нагадаем, пры канцы сакавіка па краіне прайшлі масавыя арышты артапедаў-траўматолагаў.
Усё пачалося з затрымання прадстаўнікоў адной з кампаній-пастаўшчыкоў замежных пратэзаў.
У віну медыкам ставіцца тое, што яны бралі роялці ў выпадках, калі пацыент купляў пратэзы пэўнага пастаўшчыка.
Чытайце таксама: «Справа траўматолагаў»: людзей не выпускаюць праз 10 сутак, сталі вядомыя дэталі абвінавачвання
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары