У сваім традыцыйным вечаровым звароце ў пятніцу Уладзімір Зяленскі згадаў Вялікую пятніцу і падзякаваў партнёрам, якія, па яго словах, нарэшце даюць Украіне тое, пра што яна прасіла.
«Вялікая пятніца — адзін з самых сумных дзён у годзе для хрысціян. Дзень, калі смерць, здаецца, перамагла. Але… Мы спадзяемся на ўваскрасенне. Мы верым у перамогу жыцця над смерцю», — сказаў ён.
«Незалежна ад таго, наколькі лютымі былі бітвы, у смерці няма шанцаў перамагчы жыццё. Гэта ведае кожны чалавек. Гэта ведае кожны хрысціянін. Гэта базавы элемент нашай культуры».
Уладзімір Зяленскі падзякаваў партнёрам, якія, па яго словах, «нарэшце пачулі нас» і перадалі менавіта тое, пра што прасіла Украіна.
Ён дадаў, што «з гэтай зброяй мы зможам выратаваць жыцці тысяч людзей і паказаць акупантам, што набліжаецца дзень, калі яны будуць вымушаныя пакінуць Украіну».
Таксама Зяленскі падзякаваў Вялікабрытаніі за «важнае сімвалічнае рашэнне» вярнуць брытанскую амбасаду ў Кіеў. Вялікабрытанія стала дваццаць першай краінай, якая вярнула дыпламатычныя прадстаўніцтва ў сталіцу Украіны.
Прэзідэнт Украіны адрэагаваў на навіны аб магчымых планах Расіі ўсталяваць кантроль над поўднем Украіны. Зяленскі паабяцаў, што Украіна будзе абараняцца столькі, колькі спатрэбіцца, каб зламаць гэтую амбіцыю Расійскай Федэрацыі.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары