Польскі партал Onet са спасылкай на крыніцы ва ўрадзе краіны і польскай нафтагазавай кампаніі PGNiG паведамляе, што Расія прыпыніла пастаўкі газу ў Польшчу па газаправодзе «Ямал —Еўропа».
Прычыны прыпынення паставак Масква не паведаміла, піша выданне. Ва ўрадзе Польшчы скліканая крызісная група.
Сёння Міністэрства ўнутраных спраў Польшчы ўвяло санкцыі супраць «Газпрама», які з'яўляецца ўладальнікам 48% акцый польскай кампаніі-саўладальніка газаправода «Ямал — Еўропа».
Акрамя таго, прадстаўнік урада Польшчы па стратэгічнай энергетычнай інфраструктуры Пётр Наімскі сёння заявіў, што Варшава не мае намеру аплачваць газ у рублях у адпаведнасці з патрабаваннямі Расіі.
Каментары