АМАП і ўнутраныя войскі патрэніраваліся ваяваць супраць праціўніка, які таксама ўзброены
У Мінску прайшлі тактыка-спецыяльныя вучэнні з удзелам спецпадраздзяленняў унутраных войскаў і сталічнага АМАП. На іх мелі адпрацаваць навыкі супрацьстаяння рэальнаму праціўніку, які мае ў руках зброю.
Асаблівую ўвагу надавалі дзеянням байцоў пры нападзе на калону тэхнікі, якая праводзіць марш, спыненне спробаў «незаконных узброеных фармаванняў» пранікнуць у населены пункт, іх пошуку і ліквідацыі, вызваленні закладнікаў, аказанні меддапамогі ў палявых умовах параненым, а таксама арганізацыі і нясенні службы на блокпастах.
Прэс-служба МУС адзначыла, што неабходнасць адпрацоўкі згаданых дзеянняў «наспела ў сувязі з пэўнай напружанасцю на межах нашай краіны».
За вучэннямі сачылі міністр унутраных спраў Іван Кубракоў і ягоны намеснік, камандуючы ўнутраным войскамі Мікалай Карпянкоў. Кубракоў даручыў правесці падобныя вучэнні і ў рэгіёнах.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары