Амерыканская кампанія Sylvamo Corporation збіраецца прадаць Светагорскі цэлюлозна-папяровы камбінат у Ленінградскай вобласці, адзін з найбуйнейшых вытворцаў паперы ў Расіі. Яго прадукцыя масава прадаецца і ў беларускіх крамах.
Пасля пачатку вайны ў Расіі і Беларусі ўзніклі вялікія праблемы з офіснай паперай. З-за адсутнасці імпартных хімікатаў вытворцы сталі рабіць шэрую паперу замест белай. Да таго ж на яе рэзка ўзляцелі цэны.
«Мы прынялі рашэнне пакінуць Расію. Мы будзем рабіць гэта ва ўстаноўленым парадку і вядзём працэс продажу нашага расійскага бізнэсу.
Мы працуем над дасягненнем пагаднення і плануем завяршыць гэты працэс у самыя кароткія тэрміны, уключаючы атрыманне адабрэння нашага савета дырэктараў, а таксама неабходных дазволаў урада для выканання здзелкі»,— гаворыцца ў матэрыялах фінансавай справаздачнасці кампаніі Sylvamo Corporation за I квартал 2022 года.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары