Кітай закрыў сваю паветраную прастору для самалётаў Boeing і Airbus расійскіх авіяперавозчыкаў, зарэгістраваных у двух юрысдыкцыях. Пра гэта піша РБК са спасылкай на свае крыніцы.
Адна з крыніц тлумачыць забарону тым, што ў маі авіяўлады Кітая папрасіла ўсе авіякампаніі, не толькі расійскія, актуалізаваць электронныя дасье (у іх утрымліваюцца звесткі пра самалёты, уласнікаў авіякампаній, дамовы на наземнае абслугоўванне).
Запыт такіх дасье — стандартная працэдура, падкрэслівае суразмоўца. Але нядаўна ў Кітаі ў яе была ўнесеная карэкціроўка. Расійскія перавозчыкі, якія лётаюць у Кітай, абнавілі інфармацыю. Але ўлады Кітая запыталіся звесткі, якія пацвярджаюць, што імпартныя самалёты расійскіх перавозчыкаў афіцыйна знятыя з рэгістрацыі за мяжой. Такіх дакументаў авіякампаніі даць не змаглі.
Таму кітайскія авіяўлады, у адпаведнасці з міжнародным авіязаканадаўствам, адмовілі ў палётах на такіх самалётах.
Па словах крыніцы, цяпер патрабаванні па «чысціні» самалётаў з пункту гледжання рэгістрацыі вылучаюць і іншыя краіны. У якасці прыкладу суразмоўца прывёў Турцыю, якая адмаўляе ў дазволах на палёты ў гэтую краіну або праз яе паветраную прастору самалётам «з падвоенай рэгістрацыяй» (самалёты, прымусова зарэгістраваныя ў Расіі).
Іншы суразмоўца ў расійскай авіякампаніі пацвердзіў, што без сертыфіката аб дэрэгістрацыі самалёты не дапускаюцца да палётаў у Кітай.
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага6
«Чакаем у Мінску +1 славутасць!» Блогераў прывезлі ў былую турму на Валадарскага
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары