Суддзя, які адправіў Эдуарда Пальчыса на 13 год у калонію, атрымаў павышэнне
Лукашэнка падпісаў указ аб прызначэнні і вызваленні суддзяў. Сярод тых, хто атрымаў новыя пасады, некалькі суддзяў, якія вялі палітычныя справы.
У цэнтры — суддзя Пётр Арлоў. Фота: Tut.by
Пётр Арлоў, які працаваў у Мінскім гарадскім судзе, стаў першым намеснікам старшыні суда. Гэта ён даў Эдуарду Пальчысу 13 год калоніі ўзмоцненага рэжыму. А таксама адправіў на 11 год у калонію інжынера БНТУ Ціхана Осіпава за наезд на амапаўцаў. Іншая гучная справа — за пагрозы ў бок прапагандыста Прыдыбайлы, па ёй суддзя выпісаў мінчуку 4 гады хіміі.
Павысілі суддзю Наталлю Бугук — з Фрунзенскага раёна сталіцы перавялі ў Мінскі гарадскі суд. Яна дала па два гады калоніі журналісткам «Белсата» Кацярыне Андрэевай і Дар'і Чульцовай. Выносіла і іншыя прысуды па крымінальных і адміністрацыйных палітычных артыкулах. Напрыклад, адправіла мінчука на 12 сутак у ізалятар за дзіцячы малюнак на акне, які вісеў там ужо некалькі год.
На месца намесніка старшыні суда Мінскага раёна паставілі суддзю Антона Колабава. Ён выпісваў суткі за сцягі і белыя сэрцайкі ў вокнах, даваў хатнюю хімію за эсэмэскі з пагрозамі міліцыянту і знявагу суддзі.
Суддзю Дзмітрыя Куроўскага перавялі з Ленінскага раёна Брэста ў Брэсцкі абласны суд. Куроўскі вырашаў лёс некаторых затрыманых па «карагоднай справе» (напрыклад, былога вядучага «Беларусь-4» Канстанціна Свідуновіча — яму далі паўтара года хіміі), актывісткі Алены Гнаўк (накінуў ёй год хатняй хіміі за абразу прэзідэнта), даў тры месяцы арышту берасцейцу за надпіс «Стоп Лукашэнка».
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»4
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары