«Я зусім не адчайваюся». Што напісаў Навальны ў свой дзень народзінаў
Свой 46-ы дзень нараджэння расейскі апазіцыянер сустракае ў турме.
Аляксей Навальны, які знаходзіцца ў выпраўленчай калоніі, апублікаваў у телеграм-канале пост, у якім падзякаваў «усім добрым людзям» і распавёў, што ён не адчайваецца.
«Сёння мне 46 гадоў. І ў мяне ўсё выдатна. Ну, нейкія рэчы можна было б і падправіць — гэта так. Але ж у кожнага так. А галоўным я вельмі задаволены», — напісаў Навальны.
«У мяне ёсць любімая сям'я. У мяне ёсць класныя калегі, якія працягваюць нашу супольную (экстрэмісцкую, ха-ха) справу. Ёсць вы — мільёны сумленных людзей, якія дамагаюцца свабоды нашай краіне і хочуць нашаму народу шчасця і міру. У мяне, нарэшце, ёсць вялікі і рэдкі для цяперашняй Расеі прывілей: я кажу тое, што лічу правільным, і раблю так, як лічу патрэбным», — працягнуў заснавальнік Фонду барацьбы з карупцыяй.
«Зласлівыя крамлёўскія жулікі не маюць нада мной улады, хоць і замкнулі ў нейкай дзірцы. Таму я зусім не адчайваюся і з'ем святочную банку зялёнага гарошку са спакойнай душой. Дзякуй усім добрым людзям, хто сустрэўся мне на гэтым шляху. Усіх люблю», — скончыў свой ліст Навальны.
Мінск сёння вечарам пагрузіўся ў цемру. Пасля загаду Лукашэнкі48
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары