Паміж Расіяй і Казахстанам гандлёвая вайна: РФ абмежавала пастаўкі казахстанскай нафты, Казахстан заблакаваў расійскі вугаль
Паміж Расіяй і Казахстанам разгортваецца сапраўдная гандлёвая вайна. У нядзелю спачатку Расія абмежавала пастаўкі нафты з Казахстана праз порт у Наварасійску, а пасля Казахстан прыпыніў транзіт расійскага вугалю.
Спачатку Расія абмежавала пастаўкі нафты з Казахстана праз порт у Наварасійску. Гэта асноўны маршрут для транспартавання казахстанскай нафты ў Еўропу. Афіцыйнай прычынай абмежаванай адгрузкі сталі нібыта знойдзеныя тарпеды і міны часоў Другой сусветнай вайны ў акваторыі побач з тэрміналам, дзе заканчваецца нафтаправод з Казахстана. Работы па размініраванні, якія могуць працягнуцца да канца месяца, прызначаныя на 20 чэрвеня.
Пасля гэтага стала вядома, што Казахстан прыпыніў транзіт расійскага вугалю. Так, улады Казахстана заблакавалі на сваёй тэрыторыі 1700 вагонаў, гружаныя вугалем.
Адзначаецца, што Казахстан адмовіў Расіі ў транзіце вугалю пасля ўвядзення вугальнага эмбарга Еўрасаюза. Рашэнне ЕС павінна ўступіць у сілу са жніўня гэтага года, але суседзі Расіі вырашылі ўвесці забарону загадзя.
Усё гэта адбываецца на фоне шэрагу рэзкіх заяў прэзідэнта Казахстана Касым-Жамарта Такаева ў рамках эканамічнага форуму у Санкт-Пецярбургу. 17 чэрвеня падчас сесіі з Уладзімірам Пуціным Такаеў публічна заявіў са сцэны форуму пра недапушчальнасць прызнання яго краінай «ДНР/ЛНР».
Таксама Такаеў адмовіўся ад расійскага ордэна Аляксандра Неўскага, якім яго планавалі ўзнагародзіць на тым жа форуме.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай45
Каментары